Ed's Gregarius » 人在中環

人在中環 (10 unread)

Skip to page: 1 2 3

二人世界

Posted: October 8th, 2008, 6:40am PDT

細個果陣，拍拖大過天。年青既少年人冒住俾d朋友鬧「有異性冇人性」，都要拍拖過二人世界。br /br /拍左一排之後，我就希望女朋友可以融入我既朋友圈，而佢亦都期望我可以認識佢既朋友。br /br /stephy同我細細個就識，好多老友都係同我地兩個一齊長大，所以幾乎九成既朋友都係common friends。我覺得咁樣其實幾舒服，事關我同一班朋友出黎既時候，我以經習慣左老婆會同場出現。呢樣野，我相信老婆都係一樣。br /br /於是有人就同我講啦：「嘩，乜你地唔駛二人世界咩？」br /br /emmm，唔係唔駛，不過即使有好多兩公婆一齊出黎見朋友既時間，其實二人世界既時間，我地覺得平日都仲有好多丫。br /br /我有時覺得，一對戀人拍拖初期，想要多d二人世界既時間，好正常丫。不過日子耐左，我反而傾向覺得，大家如果都可以融入對方既朋友同家人，長遠黎講會比較健康。我咁諗並唔係因為覺得對一個人對得太耐會悶，所以必須要搵第二d野去調劑一下。我覺得反而係，人生本來就應該唔只係得戀愛一樣野。響享受戀愛既同時，一樣應該有家庭有朋友，而唔係拍拖之後就其他野都唔存在囉。br /br /或者係我貪心啦。不過，衣家呢個現狀，我諗老婆同我都滿意。br /br /我都認識有朋友響拍拖結婚之後，人生就好似只剩返兩個人咁。每個人都有自己既生活方式，我亦唔知佢地自己到底享唔享受，不過我就總覺得，長遠黎講，可能未必係好事。(當然亦只可能係我偏見…)br /br /我又好奇咁問，有拖拍有老婆有老公既你地，會唔會刻意逃避同你另一半既家人/朋友相處？br /br /我總覺得，咁樣好似會唔係幾開心囉。
好聽喎

Posted: October 7th, 2008, 10:48am PDT

object width="425" height="344"param name="movie" value="http://www.youtube.com/v/V5fg6BfF-xYhl=enfs=1"/paramparam name="allowFullScreen" value="true"/paramembed src="http://www.youtube.com/v/V5fg6BfF-xYhl=enfs=1" type="application/x-shockwave-flash" allowfullscreen="true" width="425" height="344"/embed/object
最好的朋友

Posted: October 3rd, 2008, 9:19am PDT

早幾日響youtube，睇左一個黑澀會既節目。br /br /個節目係咁既。主持人要成班小妹妹先各自寫低邊個係成班人裡面，覺得係自己最好既朋友。然之後大家一齊「開牌」。br /br /表面聽，個節目冇乜特別丫。不過真實既情況原來暗藏矛盾。br /br /最大既所出現既問題係，當A小姐寫低左B小姐係自己最好既朋友，然之後開牌既時候，發覺B小姐寫低左完來佢最好既朋友係C小姐，A小姐當場就受到傷害。於是一個簡單既節目安排，就搞到你又喊我又喊，因為個個都覺得自己受到傷害。br /br /唔知係咪因為我係一個「佬」，份人又老又冇乜感情，所以感受唔係好深？br /br /事實上，我大概已經好耐唔能夠響朋友堆當中，選出一個「最好」既朋友。我有一班好好既朋友，我對佢地有好多既信賴，但係要搵個所謂最好既朋友，emmm，我唔識點揀喎。br /br /只係覺得，好朋友同好朋友，好難去將佢地比較咁啦。br /br /好多好多年前，我心裡面的確曾經係有一個「最好」既朋友既，係好多好多年前囉。br /br /*****br /span style="font-weight:bold;"br /因乜解究講三年/spanbr /br /有朋友話我八號風球單野仲乜講咁多日，又有朋友問我點解呢一舖反應咁大。br /br /其實同以前發生既人事問題相比，呢單，算係碎料啦。br /br /悶親大家唔好意思，不過呢件事纏繞響我腦袋咁耐既原因，除左係自己情緒失控之外，更大既原因係，事情既真正起因，我一直都諗唔通。br /br /好多公司裡面既人事問題，處理雖然困難，不過當你對問題既起因有掌握既時候，對於問題往後可以帶到俾公司既damage，你都可以預測得到。個心其實會比較定既。但係當有d問題浮現出黎，雖然所浮出黎既事件，可能只係雞毛蒜皮既小事，但係假如冇辦法搵到背後既起因的話，其實個感覺都幾困擾。br /br /最怕係當中隱藏住一d根本既問題而自己唔知，到有一日真係爆鑊果陣，救都救唔返。類似既情況，以前試過冇認真理會，終於爆鑊果陣搞到一鑊粥咁，諗起都仲係猶有餘悸。br /br /今次既困擾，多少就係有d咁既感覺囉。br /br /之但係悶親大家成個禮拜，實在唔係幾好意思，今日過後，應該唔會再響度提呢單野架啦。
表面和諧

Posted: October 3rd, 2008, 3:26am PDT

有朋友話，八號風球單野，反映左我公司裡面，同事既關係有問題。br /br /我贊成。br /br /特別係當冷靜落黎之後，諗返轉頭，更加覺得呢個可能先至係真正因由。br /br /問題發生之後我既第一個反應係，嘩，你班友仔冇病呀？咁都有問題？平時公司點對你呀？(emmm，不能否認我自以為係幾唔錯既…)，家陣叫你遲兩粒鐘收工你黎發我老脾？br /br /好啦，第二個反應係：喂，唔好講人情啦，同你講下道理丫。白紙黑字寫得清清楚楚架喎，你簽過紙作實，HR又晨走同你講得清清楚楚，你咁都唔認數？我份人雖然係刻薄，不過承諾呢樣野，我一向都重視，你家陣走黎破壞承諾？我同你死過啦。br /br /ok，再冷靜些少，再諗…br /br /對於我公司出俾同事既package，我諗黎諗去都覺得同事冇理由會有太多complain既。佢地其實自己都好清楚，佢地所收既人工，其實比行家肯出既同市價都要高。工作本身既辛苦程度，亦應該比出面好一d。咁我大膽兼自大地去假設，假如我公司既package同工作本身，同事如果真係咁唔滿意的話，公司既turnover應該幾高下既。不過過去年半裡面，公司除左有一個同事話有大學收佢要返去讀書之外，就再冇同事主動辭職。咁我斷估，佢地對工作既性質，同埋公司既package，都應該係滿意丫。所以，矛頭應該唔係指向公司。我覺得亦唔似係果種「你俾咁多糧我，我就係交咁多貨俾你」既心態。br /br /咁矛頭唔係公司，唔通係Kelly？我點諗我都覺得冇理由。事實上Kelly同一班同事既關係一向都好好，而且好照顧班同事，如果果日負責安排果個係我，我都覺得仲有可能，但係負責安排果個係Kelly，咁就冇乜道理喎。br /br /咁個矛頭，到底響邊？br /br /我翻查返當日最早放工既同事名單，發現左一樣野。睇完之後，不其然暗叫左一聲「shit！」br /br /最早走既同事之中，其中有兩個分別住長洲同錦田。如果按照地理位置區分，Kelly安排住呢d區既同事先走，我覺得合理不過。br /br /唔知大家仲有冇印像，大約年半之前，CK公司發生過一單「四小強與Mani事件」？br /br /當日其中兩個先放工既同事，就係其中兩個小強。br /br /我唔知我既懷疑有冇錯。不過當日四小強單野之後，同事們之間既關係曾經一度鬧得極度緊張。我當時既選擇係刻意唔去表態支持任何一方，只係強硬地表示，我唔喜歡見到公司裡面有咁第是是非非同暗鬥出現，要大家好自為之。br /br /當然，我唔會期望四小強會同當日Mani既友好會變左做好朋友，不過當日既強硬，換黎左呢年幾以黎既表面和諧。呢兩幫女仔似終大家心裡面有條刺冇拔走，呢樣我知，不過呢一年黎礙於老細唔"Like"，所以大家都會扮冇事，再加上呢一年公司加左唔少新同事，增加左員工既數量，「溝淡」之下，我以為個tension應該會冇之前咁犀利。br /br /表面和諧既其中一個特質係，平時風平浪靜果陣，大家好似相敬如賓，相安無事咁。但係當突然有個缺口出現既時候，大家就會借題發揮，部份既當事人既情緒亦會不自覺地失控。br /br /我唔知我既斷估有冇錯，不過我自己響度諗，如果我真係大吉利事估中的話，我希望唔係惡夢既開始。br /br /好唔容易先換黎呢年幾以黎既安寧，但願一切繼續安定就好。br /br /祝大家有個愉快既週末。
焗簽

Posted: September 30th, 2008, 10:33am PDT

有朋友留言講開合約既問題，我又響度諗，各位網友你地記唔記得，當日你地受聘果一刻，用左幾多時間去睇你果份employment contract？裡面既terms，你有冇認真睇清楚？br /br /我既做法通常係咁既。每一個新上班既同事，響返工第一日既早上，HR都會將employment contract，連同一份staff handbook交俾佢，並要求佢睇過冇問題既話，就簽名交返俾我地存檔。我第一次出黎做野既時候，簽果份employment contract果陣，我好驚既。因為我響第一日返工既時候，HR叫左我響meeting room裡面，佢叫我睇果份水蛇春咁長既合約，睇完冇問題就簽名。我心諗，你響度望實我睇合約，我都唔敢太認真咁睇啦，又怕睇得太詳細唔知會俾到咩印像你，驚你以為我份人好鬼計較同算死草，所以都係拿拿臨扮晒認真咁睇完，跟住就早早簽左。查實裡面既條款有d乜，簽左d乜，我都唔係好知。br /br /我都係膽搏膽啦，諗住咁大間公司，俾我呢d small potato既僱員既合約，大概冇乜事掛…br /br /唔知係咪因為咁，所以當我提起合約精神既時候，有d朋友會覺得咁不屑。br /br /呢樣野，自己都受過，所以為免爭拗呢，我通常叫HR將合約同staff handbook交左俾新同事之後，唔好咁快催佢地簽名交返黎。我一般會將個deadline set響一個星期，即是由同事第一日返工收到合約起計，我最遲可以俾佢響第7日先簽返黎俾我。反正我公司張合約同好多standard既都係一樣，試用期既頭七日，都係一日通知同事就可以辭工唔做。響呢七日裡面，佢簽左同冇簽果份合約，對公司既保障分別都唔大，所以與其係咁，你不如拎份contract返屋企，慢慢睇清楚好過。br /br /我唔知對一d冇法律知識既同事黎講，7日既時間其實會唔會都係唔足夠。不過我有起碼一半既同事，佢地並冇利用呢七日既時間。九點返工我地俾份合約佢，同佢講可以慢慢睇完先簽，唔夠5分鐘佢地就簽返俾我地。我有時都懷疑，你到底有冇認真睇過份約架？萬一我真係要搵你笨，你咁樣，實中招啦。br /br /我諗唔知從幾時開始，大眾都認為僱主自己所訂出黎既野，員工係必須無奈接受。呢個諗法，我自己都唔否認我其實都一樣有。唔知係咪因為咁，所以好多打工仔，當簽contract果陣都好自動波咁接受將會係一次老屈既過程，預左個HR俾三分鐘你去讀幾十頁既英文contract，你睇耐dd個老細都可能會唔高興咁。又之不過，即使你同同事講到明，你有成個禮拜時間慢慢睇，好多同事都係習慣左社會上既「風氣」同「習慣」，可能怕得罪老細啦，所以都係拿拿臨扮睇完就簽。br /br /查實賣身喎，真係要睇真至好。唔好要自己蝕底。睇真發覺俾人搵笨既，就咪簽走頭啦。br /br /但係當大家都習慣左俾人焗簽果陣，於是到左最後，呢d合約，慢慢就變到冇左佢應有既效用。br /br /朋友既留言講得岩，假如呢d合約同staff handbook，係響一個唔夠時間俾人閱讀既情況之下所簽訂既，呢個承諾，其實係有問題。br /br /好多僱主都冇考慮過呢樣野。簽約既過程，好似焗人入局咁。都唔知係有心定無意，總之就搞到個伙計響個盲中中既情況之下，簽左堆唔知d乜野，承諾左一堆非佢願意承諾既野而自己都唔知。br /br /或者咁講，作出承諾既人，要響清醒同心甘情願既情況下去作出承諾，先有足夠既理由俾自己去履行諾言。如果個承諾係響被逼，又或者被人用手段去引你作出的話，呢個承諾並唔係一個真正認同既意願果陣，唔去守呢個諾言，就變得比較可以諒解。事關當連佢地自己make過個點既promise都唔知，你叫佢地點履行？br /br /總唔可以失驚無神咁屈人，N年前曾經make過個咁咁咁既promise，然之後逼人履行丫。咁樣，其實係欺騙既一種囉我覺得。br /br /呢樣，我明既。br /br /咁你地簽employment contract果陣，你地查實響個點樣既情況之下簽？br /br /其實，我覺得香港地，呢個俾人「焗住簽約」既問題，都幾嚴重。br /br /最近國際全融既危機，係因為信貸既循環出左問題。其實我覺得，好多香港地既商業機構，由同事返工簽約一刻開始，老闆同下屬之間既信用循環，就已經出左問題。到底點解會搞成咁？
風暴之後

Posted: September 29th, 2008, 10:44am PDT

過左幾日，終於冷靜返落黎。br /br /有朋友留言提到，我地呢d老闆，為左做多一單半單生意，賺多果一個幾毫，就要同事留到掛八號先準走，係冇乜良心。如果因為咁，同事返屋企途中，俾吹到既樹打中，咁你點賠返條命俾人？br /br /賺多一個幾毫既重要性，同令到員工受傷，又或者冇左條命既嚴重性，差別太過遠啦。為左些微一己私慾，去妄顧同事們既生命安全，呢個人，死左都要拎條屍出黎鞭屍啦。br /br /我既同事exactly就曾經同我講過呢番說話，所以當我響留言裡面睇到類似既comment既時候，我其實感受好深。我其實想講，即使你唔係話你既老細，而係隨便咁話一個普通既朋友，話佢為左一己私利，就妄顧其他人既生命安全，係一個好大既假設性指控黎既。br /br /我公司既樓下就係地鐵站，咁當同事們覺得，如果我選擇響掛八號風球既一刻，放走最後一批家住地鐵沿線既同事，都算係妄顧左佢地生命安全的話呢…br /br /我諗最保障同事人生安全，又以免招人話我唔顧及同事生死既做法，應該係所有同事都一齊留響office裡面，直至風球除下為止。office裡面應該最安全，同事反正留左響安全既寫字樓裡面，仲乜仲要「冒險」返屋企？當大家認為出面危險成咁既時候，有咩安全得過留返響度？br /br /咁既安排，唔知有冇打工仔肯接受呢？br /br /凡事都有兩面，你其實點講都得。br /br /好多人，包括我既伙計，當我留佢地響度直至掛八號一刻先放工果陣，都以為我地呢d老細，係為左希望做多一單半單生意，賺多一個幾毫。呢個諗法，正路丫，我打工果陣，都係咁諗。br /br /不過我又想講呢，八號預警發出，查實學似同事們話齋，真係冇乜客人上黎。咁冇乜客人上黎的話，即係冇錢入，算得盡d其實燈油火臘都蝕埋。算死草如我既老細們，呢d數個個都識計。問題係，每一間機構對佢既客人都有承諾，應承人要幾時找數，就要履行。應承人要準時交貨，就要準時交貨。應承客人響咩情況之下開舖，就要做得到。生意既其中一個好大既部份，就係履行承諾。我響八號風球之前要開舖，賺錢事少，向客人守信用先至係重點。br /br /你可能話我死撐，不過假如你唔係一個生意人，我唔怪你。但係生意係一個不斷向客人守信用既過程，你或者覺得諾言有分大細，細既承諾唔一定要守…br /br /咁唔駛守既，個承諾就即係廢架啦。br /br /一間公司既商譽，係靠不斷向客戶、生意夥伴守住大大小小既承諾，日積月累而成。積累信用同商譽，要長時間既堅持，但要摧毀一間機構既商譽，只要佢唔守一次信用，就已經可以埋單。br /br /*****br /br /有朋友話staff handbook、employment contract裡面果d terms，成日都有人會去改，去break果d rules。br /br /我好傳統，當你簽字作實果陣，我就當你應承左我，向我許下左承諾，並且會守諾言。br /br /守信用係一個習慣，一個意識。一個人既焦點，到底係盡力去守自己曾經許下過既承諾，還是放響不停去搵一個所謂理由，去等自己唔需要去守諾言？br /br /煩事都有兩面既。又舉返掛八號放工同埋準時出糧既例子丫。br /br /同事們向我承諾過，響天文台正式掛八號一刻先至放工。但係未掛八號之前兩個鐘，我唔放佢走，佢地話係令佢地expose to "danger situation"，可能響返屋企途中俾棵吹跌既樹擊中，於是同事們指責我妄顧同事們既生命安全。br /br /我又向同事們承諾過，我每個月尾會準時出糧俾同事。我有些少血壓高，太激動既話，可能會爆血管。去到月尾，公司水緊，我話不如遲幾日先出糧俾同事啦。同事們唔制，仲逼我一定要準時出糧先得。咁，同事們咁逼我，我真係激動起上黎可能會爆血管架喎，咁我又可唔可以指責同事們，如果繼續要求我準時出糧的話，係妄顧我呢個老闆既生命安全？br /br /對上兩個，都係假設既情況，你地又覺得點？br /br /承諾係需要尊重同盡力去履行既，有時去履行承諾果陣，未必會係一件好輕鬆既事。承諾亦冇分大細，唔係話個承諾細，就可以隨便唔守既。我總覺得，應承得，就要去盡力做。要講一d聽落好似好合理既理由同假設，去support自己唔需要去履行自己曾經親口許下既承諾，其實一d都唔難。正如社會上有一大堆已婚既人，出去搞搞震包埋二三四奶，徹底違反左自己曾經許下對婚姻既承諾果陣，佢地都可以隨便講得出一大堆聽落好似好合情合理既理由，又或者make一d堂而皇之既假設，去為自己既犯錯開脫一樣囉。br /br /當你習慣左唔去守承諾既時候，人地對住你，亦唔會去守信用，最終受害既，都係自己。br /br /你或者可以話我要求同事掛八號一刻先放工，咁我呢個老闆一定「唔係好人」。做一個「唔好人」既老闆，我唔介意，不過假如你作為我既伙計，當我要求你去履行你曾經向我許下既承諾，而你反而向我complain的話，我就覺得你唔係好公道囉。br /br /其實，就係咁簡單之嘛。
同我計

Posted: September 25th, 2008, 7:09am PDT

八號風球呢單野，Kelly因為唔肯響pre-warning時段提早放班前線同事既工，成為左果班同事既攻擊對像。br /br /因為呢件事，Kelly當然唔多開心，不過life goes on。br /br /我估Kelly對果小部份嘈嘈閉既同事，大概應該會覺得幾心淡既。事實上過去幾年，Kelly曾經為左呢班同事，向我爭取過唔少野。阿邊個夜晚想返學？好，盡量安排佢返早又收早d丫。你由香港島搬左去九龍？emmm，睇下九龍果邊間分店會唔有空缺可以調你過去啦。嘩，你下個月結婚喎，呢排你搞結婚都應該忙爆啦，hmmm，個project我幫你手跟啦，做得太殘到時做新娘唔靚呀。br /br /Kelly就係個咁既人，我同佢共事咁耐，佢點樣對佢下面班小妹妹同事，我有眼睇。br /br /今次只係為左兩個鐘頭既放工時間，幾個同事指責佢妄顧同事人生安全，又話佢升得高唔識人，咁佢當然覺得唔開心啦。br /br /「大概係我地過去縱壞左班同事囉。」我話。br /br /一切都習慣晒係理所當然，最後係所有既野都唔會去珍惜。今日睇住呢班伙記，我好強烈地有一種「寵壞既孩子」既感覺。br /br /呢一次，真係幾嬲。br /br /*****br /br /對同事們既態度，我其實一直係抱住「俾得到，就俾你啦」。由加人工到日常既福利，態度都係一樣，俾得到你而公司唔會死既話，就俾囉。br /br /我係一直相信「你好我就好」果種傻人。br /br /公司能力範圍可以俾你既野，可以俾既都經已俾左。如果同事仲係唔滿意既，我都冇辦法，請另謀高就。前線員工要等到掛八號一刻先可以收工，除非法例有變，否則我係絕對唔會改變呢一個policy。如果覺得咁樣係好唔合理既，我幫你唔到。請你另謀高就。br /br /我討厭同我斤斤計較既員工。你可以話我刻薄，話我孤寒，話我小家。不過我好有信心我係一個公道既老闆。我應承過你既野，我唔會食言，你向我承諾過既野，我亦唔會要求你要額外再做多d。我冇興趣拎你著數。但係如果你向我承諾過話會做既野，你突然之間反口唔做，仲要理直氣壯咁話我不近人情兼唔理你地既安全同死活的話，對唔住，我覺得你不知所謂。br /br /承諾係需要尊重既，呢個係生意人既原則。正如我承諾過你每個月要準時出糧俾你，即使我幾冇錢都好，我走去借邦民又好搵大耳窿又好我都一定要死份糧返黎出俾你。你向我承諾過既野，我亦expect你去尊重，並盡你既能力去實踐。br /br /一個八號風球，所有當初承諾過既，都可以當冇件事。br /br /唔好同我講，打份工遮，老細，駛唔駛咁認真呀？br /br /sorry，我唔受呢一套。掉轉頭我出糧俾你果陣，我可唔可以同你講「我都係搵兩餐遮！」然之後唔出糧俾你？br /br /你同我計？br /br /唔好逼我真係要同你計，到我真係狠下心腸同你逐樣計數既時候，唔開心既，只會係你自己。br /br /都係果句，我，係咁仆街架啦。嫌我仆街得滯既話，我十萬個支持你去搵過個冇我咁仆街既老闆。反正我仆街成咁，高攀唔起你呢d員工。
睇齊

Posted: September 24th, 2008, 8:26am PDT

黑格比既吹襲，讓我發左一場好大既脾氣。br /br /當日大約6pm掛八號風球，4點左右天文台出左pre-warning，話兩個鐘之後會發八號。而Kelly當日既安排係咁既:接到pre-warning既一刻，首先放左果d住響離島同埋新界偏遠郊區既同事工先。事關Kelly擔心呢班同事太遲走既話，會冇車或者冇船返屋企。br /br /安排左呢批同事先離開之後，第二批放走既同事，就係果d負責back-end，唔需要面對客人既staff。佢地既野，聽日先返黎做，影響應該都唔大既。既然係咁，就等佢地早些少閃，早些少返到屋企。br /br /剩返落黎既，係一班直接面對客人既前線同事。我地係服務行業，我地對客人亦都有我地承諾。公司係會響天文台掛八號或以上既風球之下先會暫停營業。即是話，唔好意思勒，未掛八號風球，即使pre-warning已經發出，果兩個鐘頭，我地依然係有責任去開舖既。所以呢一批前線同事，係會等到天文台正式發八號果一刻至放工。Kelly作為主管，當然亦同佢地一樣，留到最後先離開。br /br /總之八號風球一掛，剩返落黎既所有同事，都可以即刻離開。呢個安排，寫得好清楚響佢地既staff handbook裡面，佢地Day 1就以經知道。每年既風季開始既時候，HR亦會再出memo俾各位同事提醒當打風既時候有上述安排，怕佢地到時會亂。br /br /風球過後，有前線既同事向我投訴Kelly，發晒脾氣咁話Kelly唔肯響pre-warning發出既時候放佢地走。br /br /「前線員工黎架喎你地…」我話。br /br /「我地住得遠丫嘛！」同事話：「政府都話要俾偏遠地區既人返屋企先啦！」br /br /翻查記錄，兩個向我投訴既員工，一個住太古城，一個住青衣。我冇辦法convince我自己，住響呢兩個地方，可以classified as「偏遠地區」。br /br /「我d friend既公司，全部都早放呀，老細你應該同大圍睇齊先岩呀！咁樣好不近人情喎！兼且咁係妄顧員工生命安全呀！你知唔知我尋日逼左幾耐先上到車…」br /br /「反正pre-warning出左之後，都唔會有乜客人上黎架啦，Kelly留我地響度有乜用喎！」br /br /我聽完，火都黎埋。br /br /第一，你地係前線既服�

Ed's Gregarius » 人在中環

Feeds

人在中環 (10 unread)

Posted: October 8th, 2008, 6:40am PDT

Posted: October 7th, 2008, 10:48am PDT

Posted: October 3rd, 2008, 9:19am PDT

Posted: October 3rd, 2008, 3:26am PDT

Posted: September 30th, 2008, 10:33am PDT

Posted: September 29th, 2008, 10:44am PDT

Posted: September 25th, 2008, 7:09am PDT

Posted: September 24th, 2008, 8:26am PDT